Buku ; KANG DEDI MENYAPA JILID 2 Bab 1 : Ngarojong Pangwangunan

Ayeuna kuring keur aya di Cisarua. Lamun ngadongeng soal Cisarua, masalah kurang na mah pasti kurang wae, ke ku urang anggeskeun. Tapi coba urang bandingkeun, Cisarua anu sababaraha tahun ka tukang jeung Cisarua poe ieu beda teu? Kuring rek nanya, baheula asup ka tempat ieu bangga teu? Batuna galede teu? Asup mobil sedan teu? Ayena asup sedan teu?.
Hartina tos pesat jeung luar biasa pembangunan di Cisarua teh. Kantun masyarakat ngokolakeun jeung miarana, sabab jalan anu dibangun ieu teh meryogikeun artos puluhan milyar. Tinggal kersa, upami aya anu bocek sakeudik benerkeun. Lamun aya cai anu nyangkrung, benerkeun ku masyarakat.
Lamun aya truk ngangkut batu, baledog mobilna. Sakali deui lamun aya truk ngangkut batu, baledog mobilna. Sabab naon? Sabab teu mere koritribusi kamasyarakat! Nu aya mah jalan jadi ruksak. Tempo geus ruksak mah pan balik deui ka pamarentah.
Para barudak oge kudu disakolakeun. Pan baheula mah teu aya anu disampeur-samperkeun. Lamun akte kelahiran can rengse tong nyalahkeun petugas, tapi aya persyaratan anu kedah dipenuhi. Da undang-undang ngaturna kitu. Meureun kudu aya surat kawinna, lamun can aya, dikawinken ngadadak, make isbat nikah ge aya programna.
Barudak anu asup sakola ayena, teu kudu make akte
Kelahiran teu kudu make duit pek daftarkeun wae! Bisi aya masalah bebeja ka bupati, sok daftarkeun wae rek anak ma Icih, rek anak pamajikan nu kahiji, rek anak pamajikan anu kadua, rek anak anu teu puguh bapakna, pek sakilakeun! Da eta mah kawajiban nagara. Teu kudu loba teui susuratan. Pokona asal cukup umur pek sakola. Ayeuna bupati ngajamin pendidikan gratis tepi ka SMA. Dijamin pendidikan gratis! Ku kituna tinggal daekna tinggal sumanget masyarakatna.
Masalah jalan ka Kiara Lawang, sawareh tahun ayeuna ke dianggeskeun dina perubahan tahun anggaran 2014 nepi ka tungtung Kiara Lawang. Tapi engke ieu jalan kudu dipiara ku masyarakat. Jaga jeung riksa ieu Purwakarta anu geus katata, Purwakarta anu geus kariksa masyarakatna, anu geus kakontrol tiap poe, pamarentahanna anu dekeut ka masyarakatna, anu pengaduan pangaduanna ditarima ku pamarentahna.
Ti ayeuna barudak-barudak
teu mayar ari rek sakola. Ngan kudu makin prihatin sakola teh, ulah jarajan wae. Ti ayeuna mulai prihatin kahirupanana. Manfaatkeun program-program ieu! Baralik sakola ngaringu munding, ngaringu sapi.
Ieu program-program siap ngadukung? Nah ieu program nu bahas dilakonan.
Tahun payun urang baris mayunan pemilihan legislatif, milih anggota DPR. Bupati boga kapentingan soal ieu. Supaya naon? Supaya pangwangunan teu diganggu. Supaya pangwangunan teu dihalangan. Supaya pangwangunan teh dirojong.
Eta teh ambeh biaya politikna rendah! Lamun biayana rendah,
bupati mikirna gampang. Lamun bupati mikirna gampang, bupati lengkahna gancang. Lamun bupati langkahna gancang, pangwangunan keur rakyat oge bakal leuwih gancang.
Ulah di sangka urang di periode kadua bakal leuwih lambat. Moal! Periode ka dua bakal leuwih gancang tibatan periode anu kamari! Urang wujudkeun Purwakarta Istimewa.
Kabeh rakyatna apan geus dijamin kasehatanana. Ke di dieu bakal ditendenan ambulance on call di Cisarua jeung Pasanggrahan. Lamun aya anu gering, dipacok oray, engke ambulanna geus aya, tinggal dianterkeun ka rumah sakit. Engke lamun ieu berhasil, tiap desa ditendenan hiji ambulan. Bisi lurah
make pangheulana, pek! Tiap desa hiji ambulanana, ke dipapay
urang supaya disiapkeun pangwangunanna.
Pendidikan ayeuna teu mayar, anu geuring di ubaran, jalan jadi alus, listrik engke dihurungkeun sarerea, imah rakyat miskin di dipangwangunkeun. Engke barudak leutik dibere domba hiji ewang. Bener teu? Engke aya santunan kematian. Pihak RT/RW lamun maot dibere l5juta. Dijamin biayana ku pamarentah.
Mun rek ngabandingkeun, cig mangkat ka kabupaten sejen.
aya teu pamarentahna anu jiga di kabupaten Purwakarta? Sok ulin ka
Cianjur, Subang, Bekasi. Aya teu? Euweuh! Sabab di urang mah pangwangunan teh dirojong.
Jadi, di 2014 urang kudu milih anggota DPRD, DPR RI, jung DPR kabupaten anu luyu
jeng program-program bupati. Lamun aya calon anu ngagogoreng bupati tong dipiih! Naon sababna? Sabab manehna ngan saukur bisa ngomong, tapi ngawujudkeunana mah teu bisa!
Hayo ayeuna Purwakarta makin maju teu dipimpin ku kuring? Cisarua anu baheula jeung ayeuna alus mana? Rek ngawangun? Rek alus? Cisarua rek alus apa rek goreng?
Pangwangunan teh lain di dieu wungkul. Engke bakal nyambung ka Panyindangan, Pasangrahan, Cileutik, Cirangkong. Engke di dieu ge geus disiapkeun deui tender 4 milyar supaya nyambung deui ka Sukamulya.
Jadi engke carita Gunung Parang atanapi Gunung Bongkok, anu ayena masih ngimpi teh, bakal kalakonan. Sabab urang baheula ge bijilna ti Tegalwaru, ti mimiti jadi auggota DPR.
Dangiang Galuh Pakuan, Purwakarta Istimewa.
* Disampaikan dalam
Safari Budaya di desa Cisarua,
Tegalwaru, Purwakarta, 2013.
#inspirasikangdedi