babad alam Sunda. Rundayan katurunan tanah Pasundan, tanah Pajajaran. Ditutupkeun kamakmuranana, dieusi ku karuntagan.
Di dieu patempatanana. Nu balukarna kaalaman ku urang salerea lantaran cul dog dog tinggal igeul, anu lain di enya-enya, anu enya di lain-lain, bangkong dikongkorong kujang, ka cai mawa cameti. Kieu karasana alam nu endah, teu matak jadi pangbeberah.
Kamakmuran ukur jadi carita, kamiskinan dimana mana. Rakyat sing gorowok cingcalawak sabab lapar. Poho katebah wadina, pamingpin lanca-linci luncat pulang, udar tina talina gadang balukarna. Urang ngalaman alam saperti kitu ayeuna.
Mudah-mudahan ayeuna lain jadi Pamengpeuk tapi pamuka. Ulah dipengpeukan wae ceulina engke jadi torek, ulah
dipengpeukan wae matana engke jadi lolong, ulah dipengpeukan wae irungna engke jadi pongek, ulah dipeungpekan wae letahna engke pireu, ulah dipengpeukan wae hatena engke jadi arca.
Kudu jadi batu karang! Dieundeuk-eundeuk ku ombak angger teu galideur. Geura robah prilaku jeung laku lampah. Geura balik ka diri urang, geura mulang ka asal urang. Urang teh saha, di mana jeung rek kumaha, rek kamana! Ieu pepeleng diri ka urang Sunda.
Nu kadua, desana nami desa Mancagahar. Aya lima kasegeran hirup, kasinugrahan diri, kamakmuran: hiji, jaga panon ku awasna; dua, jaga ceuli ku danguna; katilu jaga irung ku angseuna; opat, jaga letah ku ucapna; lima, jaga hate ku iklasna. Ari geus kitu kakarek akal jadi Mancagahar. Ari leungit eta anjeun moal menang nanaon kecuali kasusahan jeng kasusahan di ieu Lembur.
Ku kituna sim kuring tebih tebih ti
Purwakarta ka ieu patempatan sanes bade nandingkeun diri atawa jembrakeun pangabisa. Ieu mah itung-itung silih elingan sabab di literatur atawa di bacaan-bacaan kuring anu unggal poe dibaca aya ieu lembur, aya ieu kecamatan, aya ieu laut anu jadi kaagungan urang Jawa Barat.
Ku kituna mudah-mudahan aya kasadaran pikeun urang yen lembur urang tea teh lembur anu makmur, lemah anu bagja, anu rahayatna bakal aya dina kamakmuran waktu hirupna.
* Disampaikan dalam :
Safari Budaya di Desa Mancagahar, Pameungpeuk, Garut,
9 Maret 2013
#inspirasikangdedi
Tidak ada komentar:
Posting Komentar