Tadi ceunah disebatna urang teh calon gubernur jeung calon presiden. Jadi ngahuleung weh ayeuna. Heug cing ngadoakeun teh doa amanah. Da anu paling utama pamimpin mah lain urusan jabatan. Rek jadi presiden, gubernur tepi ka rek jadi RT/RW mah keun bae, tapi anu paling utama jabatan urang eta mere mangfaat keur masyarakat.
Sanajan jadi presiden ari teu bisa mangsejahterakeun rakyat mah nya entong. Kitu deui mun jadi gubernur nepi ka jadi RT/ RW. Mending jadi RT/RW tapi di lingkunganana teu aya jalma anu lapar, teu aya jalma anu gering, teu aya jalma anu teu sakola, sejahtera kabeh.
Atuh an teu mampu sa-RT nya saimah. Bisa ngasejahterakeun saimah oge geus hebat. Atuh saimah teu mampu nya sadiri. Kudu bisa nyasejahterakeun anu lima pasal dina diri urang.
Hiji, nyejahterakeun panon ku awasna. Dua, nyejahterakeun ceuli ku danguna. Tilu, nyejahterakeun irungna ku angseuna. Opat, nyejahterakeun letah ku ucapna. Nu kalima, nyejahterakeun hate ku kaihlasanana.
‘Nu jalan neleuman simpeuna peuting, nyucikeun diri ngaleahkeun manah, salamina mapag gapura dinu kahirupan”. Gapura teh wates, sing saha jalma anu hirup make gapura eta jalma bakal sampurna dinu hirupna. Matak di Purwakarta make gapura anu disebutna teh gapura kembar, sabab alam dunia mah kembar. Ari disebut kembar teh teu kudu sarua, ari kembar teh papasangan. Aya beurang aya peuting. Aya bener aya salah. Lamun teu kembar euweuh pasanganana, lamun euweuh pasangan artina euweuh kahirupannana.
Aya positif aya negatif. Lamun positif kabeh moal aya listrik, pan listrik teh lantaran aya sudut positif jeung negatif kadituna jadi energi. Ulah sok ngewa ka flu sok negatif, ulah sok pada nyarekan. Gusti geus nangtukeun, lamun aya batur nyieun salah ulah dicarekan eta teh
etateh geus kodo jeung kadarna, tugas maneh mah ngan ukur menerkeun. Pan di dinya ibadahna ku lantaran menerkeun batur.
jadi jalma anu hebat mah lain jalma anu unggal poe cicing dipajian teu nyieun salah. Tapi anu hebatteh anu unggal poe ngahiji jeung tukang mabok jeung sajabana tapi teu ngilu mabok malah bisa nyadarkeun nu mabok eta.
tah kukituna ulah urang sok kabiasaan boga sifat sirik fidik, jail kanirnva iren pangasten, dudupak, rurupak, teu kaopan, teu kakawaan keked, mengkene cap jahe
merege hese, koret pingaranana. Ka batur teh ngan nyumpatan weh.
Ieu tah kukituna, matak ge di buka pan tadi ku gambaran gambaran gunung.
. Bandung Barat teh pan kabeulah dieu da baheula mah Raja Mandala wae. Ieu mandala teh daer ah leuweung, ku lantaran di leuweung gunungna aya lima, nya dina dinu diri urang teh kudu aya leuweuna oge.
Pan ku Gusti Allah teh panon dibere leuweung halis. Ngan ieu halisna dikerok, beak leuweungna, nya atuh lebu teh nempel blus ka panon kapeureumpeunan. Ceuli teh alat pendengaran paling utama jadi nya ditunda di jero di guha. Eta irung dileuweungan bulu meuni loba, eta baham dileuweungan deui wae, dijagaan ku huntu. Eta ningali anu laklakan di jero dihalangan ku letah, eta letah dibulen keneh wae ku ciduh. Eta hate ditunda di leuweung nu di jero.
jadi naon hartina? Kunaon di leuweung? Sabab di diri urang aya hiji hawa disebutna hawa nafsu. Dijelaskeun ku ajengan, hawa nafsu aya sabara hiji, lamun teu dileuweungan ieu bakal kaluar. Lamun kaluar bakal sagala dihakan. Maung datang ka lembur ngan ngahakan saukur embe, tapi ari pejabat korup bisa ngahakan aspal, ngahakan listrik, nepi ka beas Raskin dihakan oge.
Sing tong ulah nembongkeun diri, heg sagala diaku. Lamun aya jelema anu ngaku aing paling beriman bertakwa, tah eta teh lir
maung anu kalengitan leuweungna. Hayang ningalikeun diri sorangan.
Maung anu ka lembur teh maung anu geus teu jadi raja. Lamun maung kitu hukumna aya opat. Kahiji, diburu jeung diala kulitna. Kadua, eta maung diburu terus di air keras, dikaluarkeun isi peujitna. Nu katilu eta maung diala jeung diasupkeun ka kebon binatang. Gagah teu? Henteu, nyatu ge kudu dihuapan, dilalajoan ku budak SD. Nu ka opat eta maung jadi binatang sirkus, kudu nurut kanu mawa pecut. Ceuk flU mawa pecut teh ngaler nya ngaler, ngidul nya ngidul.
Nah ieu anu dimaksad. Kukituna carana kumaha ? Gusti geus netepkeun yen din urang kudu tafakur kanu diri urang sorangan. Saha urang, dimana asal, rek kamana balik. Pan baheula kolot geus ngajarkeun puasa weton Senen Kemis tepi ka puasa tilu poe tilu peuting. Keun eta mah urusan kolot urang, ari urang mah diajarkeun puasa nyepi weh sabulan. Ngan anu jadi masalah ari puasa urang teu nyepi tapi jadi ribut. Mikir saur dahar jeung naon, sagala di pikiran.
Yeuh dibejaan, saur jeng kadaharan naon oge moal ngeunah. Sabab eta waktuna hees tapi malah kudu nyatu. Engke buka jadi pikiran deui, geus kitu kudu mikiran deui tanggal 20 dag dulu dug dag meuli baju, teu kabedag liear deui wae. Puasa ribut, di mamana parebut hayang duit, hayang itu, hayang ieu, paheula heula neangan dahareun, paheula heula neangan baju.
Arek puasa teh harga oge
Kunaon atuh naraek? Da anu dahar mingkin loba, nu butuhna mingkin nambahan, tapi nu melakna euweuh. Tangkalna
tuaran. Pas puasa disunatkeun buka jeung anu amis-amis. Kanjeng nabimah tuang korma ngan saeutik, tapi urang daharna meni dobel Korma ongkoh, tambah ku kolek,sop buah, es kalapa jeung sajabana.
Eta teh terus ditambah ku kejo. atuh gula darah naek ka na sirah,
atuh jadi tunduh. Geus tunduh, hees beuteng dibuka sabukana. weh digeber-geber ku hihid da panas. Naha puasa teh meni siga bargola kitu.
Rek iraha nyepina? Matak lamun kuring jadi presiden ke puasa kabeh ku aing rek perekeun kabeh jelema. Listrik ge rek dipareuman kabeh, supaya baralik kabrh ka lemburna, sina nyarepi.
Di Purwakarta kan sabulan budak sakola diperekeun. lamun ayeuna asup sakola, komo akhir tahun ajaran enggal, karunya ka indung jeung bapana pusing ku sakola jeung pusing ku rek lebaran. Diperekeun, heug diasupkeun ka leuweung atanapi
Lemburkeun. Sina poek, euweuh jam, euweuh nanaon, hudang kudu isuk, tah kumaha carana.
Pan di dinya puasa teh. Rep sidakep ana sinuku tunggal,
tangan loro dadi tunggal, ana awas boten, awas ana ambung boten, ambung ati ngait manah menta, manekungkeun maneh kanu agung, ngaberantangkeun hayang wedi sabulan. Cicing teu meunang ngageser eta awakna. Tah kitu puasana anu hebat mah. Begitu kaluar padepokan, begitu Idul Fitri urang Islam garagah panonna, harurung ceulina, rancung irungna, mancung letahna, ngucap kabeh doana dikabul ku Gusti.
Ieu mah begitu lebaran, ayeuna dihampura isukan pasea deui. Rek lebaran ge ribut nangtukeun tanggal. Kuring pernah boga kajadian baheula, geus nyieun festival bedug. Bedugna geus ngabaris tapi lebaran diundur sapoe.
Ieu anu dimaksad, mah kukituna mudah-mudahan sok ti ayeuna kumaha carana lebaran jeung puasa taun hareup teh harga-harga tong naek. Cing di bulan puasa teh guiana dikurangan, uyahna ge dikurangan. Justru ari puasa teh kudu tarurun harga sabab jelema aririt.
* Disampaikan dalam
Safari Ramadhan di Cikalong Wetan, Bandung Barat,
pada 7 Nopember 2014
#inspirasikangdedi
Tidak ada komentar:
Posting Komentar