"Aku mengenal kesedihan dan kebahagian, ke dua nama itulah yang membuat ku mengerti mana yang harus ku perjuangkan mana yang harus aku relakan"
Sampurasun...Ari jalma mimpin teh keudahna lain ku akalna, lain ku pikiranana, tapi ku rasana. Ku lantaran kitu pamimpin jeung badegana keudah sarasa jeung sajiwa. Sabab mun teu sarasa jeung sajiwa mah pagirang girang tampian. Di hareup-hareup heueuh, di tukang mah mareupah.
Ku kituna simkuring amanat ari milih badega pajabat pratama di kabupaten lain anu pinter pikiranana, sabab anu pinter mah sok guminter. Tapi jalma anu wening hati leah manah, lamun geus sarasa sajiwa insya Allah bakal sarendeu saigel, sabobot sapihanean.
Nu ngahijikeunana nyaeta kaiklasan Rohman jeurig Rohimna Allah. Nu kira-kira guminter mah tong dipake. Sabab anu pinter mah rigan bupati. Para ponggawana mah teu kudu pinter, anu penting mah nurut.
Kasebatna perangkat desa. Maranehna lain ukur ujung tombak, tapi ujung tombak anu sabenerna. Bupati datang ka lembur, bensin diganti, ongkos dibere, ari perangkat desa rek ti mana nyuguhana? Ku sabab kitu urang ubah mindsetna, urang ubah cara berfikirna. Lamun bupati datang ka lembur, dahareun kudu anu geus aya di lembur. Bupati datang jalan jadi alus, perangkat desana alus, jadi mun datang teh teu ngariweuhkeun tapi ngabungahkeun.
Ulah ngukur pembangunan ku indeks, ceuk kuring mah lain eta. Yeuh kuring mah ngukur pangwangunan di Purwakarta teu make 1PM- IPM-an. Eta mah kalkulasi angka, anu IPM-na luhur can tangtu rakyatna sejahtera.
Ukuran pangwangunan mah ukur dua: ngeunah dahar, ngeunah hees. Teu kudu leutik hate disebut daerah tertinggal. Ceuk saha tertinggal teh, ceuk urang Jakarta, da ka garut teh jauh. Da ceuk urang Gunung Jampang mah teu tertinggal. Da ceuk urang Cinunuk mah teu tertinggal. Da tertinggal soteh ceuk urang kota da ngukur ka lembur jauh. Sabab ukuranana ukuran manehna leumpang. Tapi ceuk urang Baduy, kuring teu tertinggal. Ceuk urang Sinar Resmi jeung Asmat kuring teu tertinggal.
Tong ngukur pangwangunan ti kaum akademik. Can tangtu bener. Malah kaum akademik gagal wae milih pamimpin. Taun ieu partai ieu, taun isukan beda deui. Cincirihing lancing lincung, kuda luar leupas tina gedogan. Beda jeung urang lembur, anggeur weh.
Jadi kuring guguru ka Garut yeuh. Sabab di Garut sagala aya. Ti mana ukurananana? Ngeunah dahar, ngeunah hees. Jadi lamun rakyat daharna rewog, heesna nepi ka kerek, eta teh sejahtera.
IPM-na luhur, pendapatan perkapitana lahur, tapi dahar gula teu menang, daging teu meunang, kejo teu meunang, caman-cemen sagala dipantrang, hees molohok kudu nginum pel tidur heula, eta mah teu sejahtera, jadi ulah nurutan urang Barat. Urang Barat anu kudu nuturkeun urang. Ngagoler dinu palupuh jeung becak hees, dahar euweuh pantrangan. Urang Barat teh sirik ka urang, ku lantaran sirik ka urang, digogoreng urang katinggaleun. Padahal manehna anu katinggaleun. Ulah leutik hate. Garut teh kabupaten anu pangmaju-majuna, tinggal dibenerkeun cara berfikirna. Kuring inget dialog antara menteri pembangunan daerah tertinggal jeung urang Baduy. Ceuk pak meriteri, “Saya di sini akan membangun ekonomi orang Baduy, saya akan mendirikan koperasi koperasi”. Ceuk pupuhuna Baduy teh, “Pak menteri, teu kudu nyejahterakeun rakyat kula, rakyat kula mah geus sejahtera,
sejahterakeun weh rakyat dia, ambeh teu nyokotan tanah kula. Pager tanah kula digeser-geser ku rakyat dia, uruskeun eta weh, tong sok nyokot hak batur. Eta cingcirining rakyat dia teh kokoro jeung mariskin.”
Ditanya deui ku pak menteri.
“ini kolamnya bagus yah?”. “Nya alus da diurus ku kula”. “Banyak ikannya tidak?”. “Cai di darat cai di laut, tong nanya ka kula, nanya weh ka laut”.
Pernyataan lain dari pak menteri, “Nanti akan saya dirikan di sini puskesmas dan dokter”. “Ari dia, tong nunda dokter di dieu, tong nyieun puskesmas di dieu. Urang dieu mah umur 100 tahun leuwih, urang dinya umur 60 oge geus gareuring”.
Ku lantaran kitu tinggal ngukur anu disebut tertinggal teh naon? Cing, ukuranana naon? Sakola SD teu aya teu masalah mun produktif mah. Tibatan sakola perguruan tinggi tapi jadi PTT teu diangkat terus ngamuk. Kuat mana lulusan SMA macui produktif jeung lulusan perguruan tinggi tapi neangan honor 20 rebu ditarima?
* Disampaikan dalam acara
MOU Garut dan Purwakarta
di Pendopo Kabupaten Garut,
27 Februari 2014
#inspirasikangdedi
Tidak ada komentar:
Posting Komentar