Buku : KANG DEDI MENYAPA JILID 2 Bab 13 : Silahturahmi Teh Siliwangi

Daramang sadayana? Paralun anu kasuhun weuning galih anu di pamrih. Wengi ieu kuring silaturahmi. Sila teh saling. Ari rahmi teh tinu kalimat Rahim, silih asih. Jadi silaturahmi teh Siliwangi. Silih asah, silih asih, silih asuh. Di dinya ka-Islaman teh. Jalma anu silih ásah, silih asih,silih asuh bakal hirupna sumerah diri ka Gusti, namprak ka kawasa. Hirup ukur sasampeuran, awak ukur sasampayan, sariring-riring dumadi sarengkak saparipolah. Tah eta jelema anu sumerah ka Gusti. Ari urang Sunda teh jelema anu
pangsukur-sukurna sa alam dunya, jadi mun ditanya bangsa mana, urang mana, anu pangsukuran ka Allah? Urang Sunda. Cenah teh, itu tatangga geuring, untung geuringna ukur nyeri sirah. Eh, nyeri sirahna ge lila, untung kaburu ka dokter. Eta, tatangga teh maot. Untung maot, lamun hirup panjang waragadna.
pikarunyaeun.
Urang Sunda oge anu nyieun ngaran jeung katauhidan. Ngaran
cikal bakal, ngaran kausalitas, ngaran sebab akibat. Ngaran kecamatanna Ciawi, naon cenah? Ciawi. Aya cai aya awi atawa aya awi aya cai?
Heula cai heula awi? Ari ngajawab cai eta teh pinter. Allah nyiptakeufl ieu kahirupan di mimitian ku cai heula. Tangkal tinu cai, batu tinu cai, jalma ge tinu cai.
Cai di jagaan ku awi. Awi ngajagaan cai. Disebutna mun ceuk ilmu biologi mah simbiosis mutualisme. Ari simbiosis mutualisme teh Siliwangi oge, silih asih, silih asah, silih asuh. Lain gasak, gesek, gosok, tah rek pemilu loba anu kitu.
Disampaikan dalam Safari budaya
di Desa Sukamantri, Ciawi, Tasikmalaya,
4 Oktober 2013
#inspirasikangdedi