Sabab anu kitu can tangtu bisa ngabagjakeun anu boga sawahna. Usum traktor mikiran mayar traktor, usum ngarambet mikiran anu ngarambet, usum ngagemuk mikiran harga gemuk. Usum panen pare ngagejret teu saimbang jeung harga gemukna, pikiranen keneh wae. Beak pare ku beurit da orayna dihakanan ku sia.
Nu penting mah sawah anu lega. Nu mana eta mah sawah syariat keun. Sawah syariatna ge kudu lega sabab ti Binong, Pagaden, Ciasem, Pamanukan, Sukamandi tepi ka Cilamaya ka ditu nepi ka Bekasi disebutna eta teh lumbung pangan nasional. Kejo urang Indonesia gumantung kanu nyawah urang dieu.
Ngan bedana urang dieu tara dihargaan ku urang Indonesia. Giliran dek lebaran harga baju teu bisa ditawar tapi giliran pare ditalawar keneh wae hargana. Can pernah mahal tepi ka sajuta paling gede 550, kitu soten ngadagoan paceklik panjang. Mun aing jadi presiden harga pare 10 juta sakintal, tapi kudu dipanggul ku sorangan ka Jakarta.
Di mana sawah anu lega? di Dangiang Galuh Pakuan. Ieu aya Pa Lurah nyitah nyarita Dangiang Galuh Pakuan. Dangiang teh wibawa, komara, kharisma. Di maria ari wibawa jeung komara teh? Ditangtungan jangkung luhur simar dada? Lain. Ti jalma anu beurat beunghar? Lain. Di kakawasaan anu loba? Lain.
Lain di dinya ayana, sabab jangkung luhur simar dada can tangtu boga wibawa lamun laku lampahna nirja. kahirupan kakawasaan anu lega ge
can tangtu lamun kakawasaan teu bisa ngasejahterakeun rakyatna. Kabengharan anu loba bisa nyiksa
ka dirina, usum panen kasiksa, usum nangka kasiksa, usum peteuy kasiksa. Sabab bingung teu jadi ibadah pikeun hirupna.
Di mana komara, wibawa, jeng kharisma teh? Di Galuh. Ari Galuh teh naon? Sareatna di beulah kidul baheula, di daerah Ciamis aya kerajaan disebutna kerajaan Galuh, rajana terkenal Lingga Buana. Budakna istri terkenal, anu ngarana Citra Resmi anu ngorbankeun dirina pikeun ngajaga kahormatan bangsana di Bubat.
Dari pada jadi awewe kudu jadi tumbal negara, dijadikeun upeti ka raja dengeun mending keneh paeh ngabaleh bangke banjir geutih dangen ngajaga kahormatan awewe. Persis awewe ayeuna, dari pada hidup sangsara mening keneh ngajual diri Tapi teu kabeh kitu, masih keneh seeur istri laras pati, wanoja wijaksana, luluhung
ku elmuna, lebeut ku basana, leber wawanenna, daripada hidup kudu ngagadekeun diri mening keneh ngagadekeun emas.
Galuh eta teh wujud fisikna lambangna gunung, mantakna Gunung Sembung teh lambang katauhidan, Gunung Sembung teh anu nyambungkeun. Kawas kakawih gedong duwur kali sambung, pagulingan sepi tingtrim, pepetetan sami marag, balimbing lan jeruk manis.
Gedong duwur, ari gedong teh bangunan, ari nguwur teh luhur, bangunan anu luhur. Nu nyambungkeun antara dua kalimat, bumi jeung langit. Bumi jeung langit dihijikeun ku Kanjeng Nabi disebutna Isro Miraj. Bumi mincing ka langitna, seah hujanna, lembur subur, kota bagja. Masjid jeung diri ngahiji, elmu geus aya, na semu harta geus aya ngawujud harti hukum geus ngawujud adil. Nyanding pamimpin ka rakyat, pandita ajeg biwaha, ucap jeung lengkah sarua, pititir ngawujud syukur, rakyat ngawujud ka adat.
Lawanna naon? Kawung mabur samak leungiteun, tandana Ciamis tinggal patina, Ciherang tinggal kiruhna. Resi leungit ajina, ilang komara kaduruk ku hawa nafsuna, kiai euweuh wibawa, dinu nyaritana ucapannana kosong sabab balikna kudu diamplopan wae.
Baheula nini urang baca Quran cukup baca bismillah hirohman nirohim, tapi incuna calageur lamun geuring panas. Incuna geu teu disakolakeun barageur, palinter, bisa nyawah, bisa ngebon, awewena bisa nyangu, bisa nyulam, bisa ngarenda, bisa ngajaga kawibawaan jeung kahormatan kaluargana.
Ayeuna ayatna dibaca ku ajengan panjang pisan. Ajengannana diamplopan tapi anu geringna teu daekkeun cageur, ajenganana ge sarua nyeuri beuteung. Iyeu teh sabab kaung kabur carurukna, samak lengiteun pandanana, Ciamis tinggal paitna, Ciherang tinggal kiruhna, resi lengiteun ajina, pandita ilang komara. Sabab wujud Gusti dibarang keun jadi mesjid, jadi sakola, jadi organisasi agama.
Kamana? Yeuh di dieu. Galuh teh dinu kalimat galih, ari galih teh hate. Eusina hate teh rasa, rasa teh kautamaanana. Rumasa jalma nu geus boga rasa, boga karumasaan. Jalma anu boga karumasaan moal ngaku kana dirina. Hirup ukur sasampeuran, awak ukur sasampaian sariring-riring, duma disarengkak, disapari pola sadaya sakersaning Gusti. Utek tongo walang baga, sadaya kakawasaan Gusti anu ngagerakeunana, diaku dina dirina. Jabatan lain nu kuring, harta banda lain nu kuring, nyawa ge lain anu kuring, Gusti mangga nyanggakeun sadaya daya, dicabok ngenca seuri, dicabok ngatuhu seuri, dihina ku batur seuri, euweuh nafsu dina dirina. Tumangprak kana kadar, tungampih kana takdir.
Iyeu tah gunung, sambung ka langit gunung teh. Lambangna makin luhur makin luhur, makin leutik makin leutik ka puncakna, mung sawiji. Gusti anu kaagungannana, anu ditujuna, kabeh rarangken dunia dilepaskeun, euweuh anu diaku, ka dituna tataranjang balik deui ka Gustina. Mantak ge urang Mesir nyieun piramid da teu gableg gunung, nurutan hayang siga urang.
Dilambangkeun ti nini urang iyeu gunung kanu naon? Lamun nyangu siga gunung make aseupan, nu gunungna dikepeul-kepeul, di huapkeun ka anakna anu digandong terus jaradi bupati, jadi ajengan sohor, jadi lurah. Anak ibu ayeuna make langseng make magic jar tapi teu jaradi nanaon, ngan mentaan duit wae, duit sakola geus beak, kebon beak, lulus mah henteu.
Disakolakeun nepi beak sawah, geus jadi sarjana beak kebon, rek boga incu ngagadekeun buruan, kawin hayang tatanggapan jeung hayang raramean, pagawean can boga, balik deui ka ema. Udud hayang, motor hayang pinuh ku bengsin, tapi ari duit embung ngala, ngala suluh embung, sasapu embung, ari sia euweuh kaera.
Keur aing leutik jeung gonongeun, eta sangu ditapel keun beuheung aing ka anu gonongeun erus eta sangu dibalingkeun ka anjing terus dihakan ku anjing, gonongeun aing cageur, tuh kudu kitu teh dokter-dokter ayeuna.
Ayeuna mah ngajuru kudu dicaesar wae da hayang awet bonogaannana. Mahal ngajuru teh ayeuna. Cing atuh ngajuru teh ulah dicaesar, biasa weh normal. Dokter teh mikin dieu diajarna mikin luhur, ilmuna mikin luhur. Paraji baheula elmuna teu luhur tapi kunaon ari ku paraji bisa ngajuru biasa, an ku dokter anu luhur eta kudu dicaesar?
Hate teh kudu sepi tingtrim, kudu tiis ceuli, herang mata. Mantak ge awak teh kudu ditapa keun meh hate teh bersih, meh hate teh teu lanca-linci, luncat mulang udar tina tali gada, meh hate teh celik putih caang bulan opat weulas, jalan gede sasapuan, meh hate teh salilana menekung kanu agung, ngaberantang kanu hyang widi. Kumaha lamun tiis ceuli herang mata? tong loba tetenjoan, tong loba dedengean, tapakeun. Hartina tapakeun kanu rasa anu sabenerna.
Ulah lebar ku rezeki, ulah lebar ku seuri, ulah kagok sabar dinu kahirupan, sabab sabar euweuh watesna. Sing saha jalma nu bisa ngalakonan eta bakal boga wiwaha ka dirina, boga dangiang, ibarat jeruk manis, ibarat bulan jeung bentang anu jadi pamapai kaendahan peuting. Ari pakuan teh naon? Kapakuan teh adeg, dinu adeg-adeg kahirupannana, teu lanca-linci, luncat mulang udar tina tali gada, tara cuet kanu hideung tara ponteng kanu koneng.
* Disampaikan dalam Safari Ramadhan
di Gunung Sembung, Pagaden, Subang,
pada 21 Juli 2014
#inspirasikangdedi
Tidak ada komentar:
Posting Komentar