Buku : KANG DEDI MENYAPA JILID 2 Bab 15 : Mulangkeun Alam Sunda

Sampurasun.. Urang Cianjur teh puseur kabudayaan Sunda, anu menak dinu sapanjang sajarahna. Mudah mudahan kadieunakeun teu di popohokeun Cianjur teh takara jung. Ieu mangrupi kegiatan kebudayaan anu digagas ku sim kuring, nguriling ka tepis miring mapay lacak nu baheula, neuteup lengkah poe isuk ka daerah-daerah nu pamendak sim kuring gaduh kekauatan kanggo mulangkeun alam Suñda ka alam asalna.
Mulangkeun alam Sunda ka asalna? Sabab urang Sunda poe ieu era nyebut urang Sunda, teu inget ka lemah cai. Cul dogdog tinggal igel, anu enya dilain-lain anu lain dienya-enya.
Lamun jadi urang Sunda , okos siga nu moal asup surga, padahal kuring boga kayakinan urang Sunda bisa jadi masuk surga pangheulana, pangdeukeutna jeung Gustina. Sabab ti laku lampahna jeung ti ahlakna urang Sunda.
Laku lampah Nabi sareng ahlakna teh siga ahlak urang Sunda. Mapahna teu tanggah tapi tungkul, nyariosna teu tarik, seurina teu ngabarakatak, daharna teu pati loba, rambutna henteu ikal. Lamun ku kituna teh urang Sunda, urang anu mikacinta Kanjeng Nabi, tepi ka tiap kagiatan teh disebutna ngarasul.
Langit anu sok dipake ku urang teh lalangitan, hayu urang balik deui ka langit anu sajati anu teu aya watesna. Satungkebing langit satongkeran jagat eta tafakuraneun keur urang.
Disampaikan dalam Safari budaya
di Gentur, Cianjur,
pada 12 April 2013
#inspirasikangdedi