Ari urang nyarioskeun kitab menurut bahasa umum, eta teh aya dua. Kahiji, Al-Quran,
anu kadua na buku buku kitab kuning di pesantren. Ari simkuring mah gaduh pemahaman atanapi pendapat kitab teh buku buku anu diserat ku para ulama dina waktos Islam berkembang. Teras buku-buku Islam anu diserat ku para ulama eta teh diterjemaahkeun ku tokoh-tokoh pemikir di Eropa anu akhirna buku eta janten buku buku bacaan di perguruan tinggi perguruan tinggi.
Saatos buku eta di baca di perguruan tinggi, berkembang ilmu pengetahuan di Eropa. Urang nepi ka danget ieu masih keneh gaduh hiji pemahaman yen kitab-kitab teh mangrupikeun kitab sakral. Kumargi kitab sakral, dibacana mung wungkul di pesantren jeung majlis-majlis taklim. Ahirna perkembangan pemahamanana ngan muter didinya wungkul.
Masalah kadua, anu ngaosna teu sagawayah sabab aya elmu anu sakitu panjangna. Kulantaran sakitu panjangna jalmi jadi hoream diajarna. Kulantaran hoream diajarna jadi ahirna teu apal kana eusina.
Anu katilu, seueur dipedar ku para ulama. Jamaahna ibu-ibu anu yuswana tos sepuh jeung kitabna ngan muter di urusan fiqih wungkul anu ahirna teu berkembang. Simkuring pernah ngiring pangaosan di hiji pesantren ngabahas hiji kitab anu kitab eta ngajelaskeun teori ekonomi. Ceuk eta kitab, anu kahiji anu kudu dibangun jadi pondasi nagara nyaeta sektor pertanian. Saatos eta sektor perdagangan, saatos eta sektor industri. Tapi kulantaran loba jamaah ngan ibu-ibu wungkul jadi eta kitab ngan diaminan wungkul.
Nah, ku kituna kedah aya ikhtiar anu dilakonan ku pamarentah. Nu kahiji, ikhtiar atanapi dimusabaqohkeun, dilombakeun, dikompetisikeun.
Ligana liga naon? Nyaeta liga antar pasantren, engke antar pelajarna. Nu kadua, simkuring tos nyarios ka Pa KH Ridwan supados ieu kitab kitab eta diterjemaahkeun nganggo bahasa Indonesia, diterjemahkeun nganggo bahasa Sunda. Saatos eta dicetak dijantenkeun buku buku bacaan wajib di sakola sakola umum. Simkuring gaduh target tiap sakola umum kedah gaduh perpustakaan. Engke perpustakaana dilebetna kitab kitab ieu.
Janten engkin mah simkuring oge bisa maca langsung, sabab mun kudu diajar elmu alatna heula ieu kaburu jadi aki-aki manten yeuh, teu kaburu bisa macana. Sanajan ngaranana terjemah can tangtu sarua jeung aslina. Sabab, mun bahasa mah di ditu aya di ditu euweuh. Dina kitab oge aya sabagian bahasa Arab anu teu tiasa diterjemaahkeun kana bahasa nu sanes margi padanan katana teu aya.
Eta teh karak bahasa kitab komo bahasa Quran. Dina Quran ge pasti aya bahasa anu teu tiasa diterjemahkeun kana bahasa anu sanes kusabab padanan katana teu aya. Model Allah ahad kan teu aya padanan kata. Lamun Allah ahad diterjemahkeun jadi hiji, ceuk kuring mah teu salah. Naon sababna? Da ahad mah lain hiji, urang Sunda nyebutna ahad mah tunggal. Tunggal lain hiji sabab tunggal mah aya komponen atawa unsur-unsur anu ngalingkunganana, matak mun ngahiji jeung mahlukna disebutna manunggal.
Ieu basa Sunda, matak kuring kagum kana basa Sunda teh sabab basa Sunda mah bahasa tauhid. Manunggal berarti geus ngahiji tapi lamun hijina Allah dihijikeun jeung mahluk jadi dua. Tapi, mun Allah tunggal berarti Allah na ngahiji jeung mahlukna, eta teh manunggal. Aya subjek jeung aya obyek. Obyek na saha? Manusa. Subyek na saha? Allah, sanajan Allah mah lain subyek.
Ieu anu dimaksad. Pan nu kararitu teh rada hese kusabab elmu logika. Urang Sunda mah nerjemahkeunana teh kieu, ciri sabumi. Bumi teh hiji tapi mun ngahiji jadi sa tapi lain hiji. Mantak ge ari sabumi teh manunggal. Sabumi teh nyaeta lamun diri jeung bumina ngahiji, jadi aya wates wangena. Saha ari wates wangena?
Nyaeta ilah anu teu aya wates wangena kecuali ilah, kusabab sakalimatna kalimat tauhid
ditempatkeun weh kana kaidah-kaidah nu sok dipake ku panganten padahal salah. ieu lain keur panganten.misalna ka cai jadi saleuwi. Jadi jalma lamun ka cai kudu saleuwi, hartina ti luhur sausap rambut, ti handap sausap dampal. Kudu ngaleuwi, kudu jero, kudu teuleum, ka darat jadi salogak.
Ieu manunggal nyaeta kalimat sa. Kalimat sa teh nyaeta kalimat anu ngahijikeun, kalimat anu mensenyawakeun. Jadi senyawa na urang naon? Nu disenyawakeunana nyaeta karena Allah. Urang Sunda mah nyebutna ihlas, tauhid. Di bahasa Indonesiakeun mah hese da manunggal, ku sabab manunggal jadi teu aya bates.
Kusabab teu aya bates urang Sunda nyebutna sumerah teh nyaeta penyerahan diri secara total ka dituna teu diaku. Lamun ceuk bahasa kiai mah wala haula wala kuwwata illa bilahhil aliyil ‘adzim. Urang Sunda mah nyebutna teu agul ku payung butut . Sim kuring mah teu gaduh rasa, teu gaduh rumasa, teu bodo-bodo acan, bodo ge teu diaku. Ieu atos kemanunggalan, itu adalah bahasa rasa.
Ieu kitab engkin kedah diterjemahkeun. Jadi santriwan santriwati anu ngaji di pasantren nyieun ibadah na keur saha? Nyaeta keur anu teu masantren supaya dipanggampangkeun ku anu masantren. Sabab mun sadaya tiasa maca nya teu aya kautamaanana. Pan aya kautamaan teh lamun boga elmu anu beda tinu lain.
Jadi kieu leuwihna santri teh nyaeta bisa maca kitab. Bedana engke jeung budak SMA, maranehna ngomong basa Inggrisna fasih, santri ge bisa ngomong basa Inggris fasih tapi can tangtu budak SMA bisa maca kitab.
Jadi jelma mah ulah pinter kabeh, lamun pinter kabeh atuh moal aya leuwihna. Jadi kuring moal nyebutkeun pa kiai atuh lamun elmuna sarua, moal hormat. Nu hormat soteh lamun elmuna nu ngarti kanu elmu fiqih jeung syariah.
Ceuk kuring mah kurang tepat disebut gedung dawah da iraha dakwahna da cicing wae. Lamun gedung da’wah berarti gedung anu dakwah. Ceuk Allah ge saamparan bumi, satu kebing langit, eta kabeh teh tempat sujud. Ulah dibatesan anu dakwah teh. Lamun tempat dakwah dibatesan di gedung eta wungkul jaba sempit, ah kurang pas.
Jadi engke di tempat eta dijadikeun tempat kumpulna para ulama pikeun nyawala perkara perkara syariah anu terus kudu ngajawab perubahan jaman. Di jaman Kanjeng Nabi can aya fiqih naek motor sabab karek aya onta. Pan ayeuna teh kial kudu nyieun fiqih naek motor sabab jalma teh tutungganana lain kuda tapi motor. Jang naon? Supaya salamet.
Saha anu nyieun syariah naek motor? Nyaeta urang Jepang anu ku urang teu ditaatan. Jadi pa kiai kudu nyieun hukumna kumaha mun naek motor teu dihelm terus kecepatanana saratus kilo meter per jam terus tabrakan jeung treuk, fatwana eta teh syahid apa bunuh diri?
Nah jaman harita can aya pesawat udara, can aya handpone. Misal kumaha fatwana an dma
handphone teh sok asup sagala nu teu bisa dicegah? Kadang kadang aya jelma nu ngasupkeun. pertanyaan, naon hukumna lamun dina hp urang aya Quran lengkap tapi tiba-tiba asup situs porno? Nyaan kudu dijawab ku elmu fiqih da teu dihaja, kuring mah teu niat, tapi tiba-tiba aya nu ngirim di Bluetooth.
Pan Quran teh barang suci, kudu ditempatkeun di tempat anu suci. Persoalanana, kasucian hp bisa dijaga teu? Nu kadua, pan hp teh bisa ditunda di mana wae. Katilu, dinu hp mah campur ngomongna, kadang kadang ngomong jorok, kadang kadang nyarekan batur. Kumaha hukumna?
Ari nu diomongkeun wudhu, nguburkeun mayit mah nepi ka kiamat ge geus teu kudu di perdebatkeun jeung eta mah geus teu pati penting diomongkeun sabab perkara eta mah saeutik masalahna Model wudhu geus aya rujukanana, geus pasti model fiqihna kudu ngarujuk ka imam saha.
Nu kadituna teh kaidah syariah Islam kudu bisa ngajawab persoalan-persoalan anu lumangsung di masyarakat. Misalkeun hukumna pencemaran lingkungan. Susukan teh kiruh.
akibat susukan kiruh masyarakat teh gareuring. Pertanyanana naon hukumna ka pabrik anu miceun limbah ka susukan? Naon hukumna rumah tangga anu miceun limbah rumah tangga ka susukan? Ieu perkara nu kajadian di masyarakat.
Terus kieu deui kumaha hukumna jalma gering nu disebabkeun karna nginum? Nginum alkohol mah tos jelas rujukanana. Kumaha lamun budak sakola nu tiap poe nginum es tapi gula na make gula bibit dicampur pewarna cat tembok. Eta budak teh tepi ka geuringna. Kumaha hukumna make saos, da saos na teh zatna zat kimia, lain cabe anu asli. Cabena ge campuran unsurna ti unsur kimia,
Tah kajian fiqih engke teh bisa ngaluarkeun jurnal teu ereun ereun. Bupati siap nyiapkeun
honor keur tim pengkajina sok. Gemah ripah repeh rapih teh, Purwakarta Istimewa teh civil society. Teu make kalimat suci eta teh da bisi teu nepi, luhur teuing. Jadi ieu nu dimaksad kaidah-kaidahna teh. Engke di tertibkeun, jadi misalna kelompok kajian syariah ningalina teh yen masyarakat miskin di Purwakarta sakieu, eungke ngaluarkeun fatwa bahwa APBD Purwakarta kudu gancang nganggarkeun keur anu miskin teh sekian.
DISAMPAIKAN DALAM PEMBUKAAN MUSABAQOH TILAWATIL QUR'AN (MTQ) DI PENDOPO PURWAKARTA 11 APRIL 2014
#inspirasikangdedi
Tidak ada komentar:
Posting Komentar