Buku : KANG DEDI MENYAPA JILID 2 Bab 28 : PENDIDIKAN KEUR KASAMPURNAAN

"Silakan baca ini tentang Filosofi Pendidikan bila anda seorang guru baiknya membaca ini"

Teu aya kasampurnaan lamun teu aya anu gaduh kasampurnaan. Gusti netepkeun kahirupan dinu wasilah anu disebat qada jeung qadar. Sadaya katangtuanana aya anu ditangtukeun jeung aya anu nangtukeunna. Rejeki diturunkeun ti Gusti sadaya kenging wasilah. Kuring nepi ka poe ieu, can pernah ningali Gusti Allah ngabagikeun sertifikasi. Tapi sadayana aya wasilah. Ieu wasilah keudah dilakonan. Sing saha jalma anu teu ngalakonan eta wasilah, ngabobodo kanu kagungan wasilah. Ngabodo lain Gusti na, anu bodo anu ngabobodona. Ngiluan sertifikasi, ngaronjatkeun kasampurnaan hirup. Supaya guru weruh kasemuna, apal kabasana, rancingas rasana rancage hatena. Nu ngaranna ngajar, euweuh jamna, lamun ngajar aya jamna, pantes budak garelut balik sakola da di luar jam pelajaran. Kulantaran ngajar teu aya jamna, unggal detik, unggal menit, unggal mangsa, unggal poe, unggal minggu, unggal taun, sadaya teh palajaran. Kabeh dina kahirupan, palajaran. Nu salah dina pikiran urang, pelajaran teh, buku. Di luar buku lain pelajaran. Kulantaran di luar buku lain pelajaran, pantes budak leungit ceuli hilang cara, anu aya kari gudangna. Beres UAN buku dipariceunan jadi runtah sabab lain pelajaran, pelajarana geus enggeusan. Kukituna, pendidikan lain ngudag target UAN, teu peunting pikeun kuring mah. Tapi anu utami & pendidikan ngasampurnakeun kasampurnaan diri supaya diri asih ka dirina. Mudah-mudahap waktu ieu jadi waktu kasadaran. Yen anu ngariung di dieu, nyaeta jalmi-jalmi anu gaduh sertifikat Gaduh sertifikat teh, eta teh otoritas formal, ari otoritas teh nu boga kawenangan. Jeung hade gorengna pendidikan di Purwakarta tergantung anu gaduh otoritas. Nu gaduh otoritas teh nyaeta anu gaduh sertifikasi. Otoritas aya dua, anu hiji otoritas kasawasaan. Otoritas kasawasaan dipake ngajar. Kakawasaannana ngajar. Nu kadua otoritas keuangan. Nu ngajar meunang narima duit tinu boga otoritas keuangan. Ieu engke jadi wangunan. Jadi naon anu jadi udagan urang? Sabab lamun ngawangun kahirupan, ukur ngawangun hal-hal anu katingali wungkul, Purwakarta anu kahiji di Indonesia. sabab anu katingalina, anu hampir anggeus. Naon anu jadi kawajiban pamarentah, geus hampir anggeus. Taun hareup, anggeus kabeh. Jalan anggeus, listrik 50 rebu anggeus, imah rakyat miskin ngan ukur ngageurakeun wungkul. Da sabenerna mah ngawangun imah rakyat miskin mah kawajiban nagara lain kawajiban masyarakat. Naon sababna kawajiban nagara? Sabab nagara geus mungut pajak. Guru sertifikasi potong pajak, gajian potong pajak, balanja make pajak. Hak rakyat nyaeta 7/8 dinu total pajak lamun dek ngudag kanu kaidah sareat islam. Kaidah sareat islam teh lain dipahami hukum kausal pidana jeung KUH perdata, da euweuh dina kaidah eta anu dipesenkeun ku Kanjeng Rosul. Anu dipesenkeun ku Kanjeng Rosul teh aya dina piagam Madinah. Piagam Madinah teh aya dua anu paling pokok. Hiji, nagara kudu mere panyalindungan ka kabeh rakyatna, rek anu beunghar rek anu leutik. Kudu dijamin katentremanana, kahirupanana, nu beunghar dijamin usahana, anu leutik dijamin kesejahteraanana, anu beda agamana ge kudu dijamin kasejahteraanana. Nu kadua, yen nagara nekenkeun yen jalma-jalma anu boga kamampuan kudu mere sumbangan ka nagara pikeun jakat, eta jakat 7/8 na jang kabeh rakyat, 1/8 na jang amilin. Lamun dinu konsep ayeuna, amilin teh saha, Presiden, Para Menteri, Anggota DPR, Gubernur, Anggota DPRD Propinsi, Bupati, Kepala OPD, kabeh eta disebutna amilin hak na 1/8. Naon sababna Indonesia teu maju-maju? Sabab 7/8 ku angin 1/8 ka rakyat keun. Purwakarta ayena nembe tiasa 50%-50%, nyaeta 50% ka rakyat, 50% ka pemerintah ditarget keun 2016 ku singkuring 70%-30%. Jadi anu 2.300 dina rakyat miskin ditekadkeun dianggeuskeun di 2015, 2016 maksimal. Di 2017 tong aya deui di Purwakarta rakyat anu imahna bocor. Dek disebutkeun bupatina santri jeung henteu teu paduli, bupati Purwakarta mah teu santri sabab tara dijubah. Baju lain simbol identitas diri sabab identitas diri ayana dina langkah sapopoe. Alhamdulilah di Purwakarta tos taqwa sabab tiap poe Jumaah rakyatna kudu make baju taqwa, ari aya runtah dipulung, jalma miskin dibantuan. Kolot teh lain umur tapi sifatna koloteun dedeuhan asihan, disebutna dewasa, dewasa teh sawawa. Urang nyakolakeun budak teh supaya sawawa. Ari urang Sunda mah nyebut kamanunggalan teh sa, ari wawa teh manjing. Sawawa teh geus manjing. Jadi pendidikan teh nyiptakeun dirina, manjing ka sasama, hirupna manjing ka alamna, disebutna manjing ka Gustina. Ku lantaran manjing lamun hujan teu kudu dipayungan, lulumpatan huhujanan, sabab geus manjing jeung hujanna. Teu sieun ku guludug, teu sieun ku angin, teu sieun ku nanaon. Sabab dirina diciptakeun tinu cai hujan asalna, manjing jeung anginna sabab dirina diciptakeun tinu angin asalna, manjing jeung tanehna sabab dirina diciptakeun tina taneh asalna, manjing jeung panon poena sabab dirina diciptakeun dinu panon poe asalna, disebutna papag kalimat tunggal. Geus ngahiji, ceuk urang Sunda ingsun, ngahiji jeung dirina. Pendidikan kudu nyiptakeun eta jadi budak. Lamun keur hujan budak dikaluarkeun sina huhujanan. Eta ingmanjing kahana. eta pendidikan, sabab pendidikan huhujanan mahal hargana. Kulantaran ngahiji bisa neleman panon poe, ngarasakeun panon poe aya energi. Dikelola elmu fisika di sakolana jadi energi matahari, aya angin diteuluman ku rasana teras dikelola didiskusikeun jeung ahli tekanan udara. Angin belah ditu belah dieu sabaraha tekanannana. Jadi energi angin. jadi energi tanah, jadi energi. Kabeh iyeu bangsa anu diciptakeun ku Allah, kabeh jadi kakuatan energi. Sing saha anu ngahiji jeung energina eta jalma anu ngahiji jeung Gustina. Kadituna jadi energi lengeunna gutret. Guru nulis di kelasna jadi energi pikeun murid-muridna, murid-muridna ningali ka tulisan guruna, asup ka pikirannana, nepi ka iraha wae bakal inget ka tulisan guruna sabab dinu leungeun guruna aya energi. Di dinya muridna nulis make energi, ruang eta jadi ruang energi, energi eta jadi kakuatan maka lahir jalma-jalma anu manunggal, anu geus apal ka jalan kahirupan pangbalikan. Eta pendidikan asalna. Lamun guru ukur macakeun buku euweuh energina, anu diudag ukur jam sabaraha jam, sabaraha jam. Nu kitu jalma anu dipisahkeun jeung Gustina, sabab hubungan kamanusiaan ngan diukuran jeung jam. Kunaon ayeuna bupati nyarek mawa buku ka kelas sabab anjeun geus misahkeun din jeung murid. Hubungan guru jeung muridna lain hubungan timbal-balik antara digaji jeung anu mayar, tapi hubungan energi. Anjeun ngajar di hareupeun murid, anjeun nyarita. Di dinya waktu nyarita anjelin teu mawa buku saestuna anjeun geus mukakeun diri ka lalangit Allah diararasih supaya Allah nurunkeun malaikat lewat getaran rasa-Na, nu asup kanu ceulina kanu pikirannana, kanu rasana, ngagetarkeun energi positifna, ngaluarkeun saraf otakna ka otak guru. Berkembang kekuatan energi. Aya angin jadi palajaran, aya panonpoe jadi pelajaran, aya ucing ngaliwat jadi pelajaran. Jadi guru ngajar hareupeun muridna saestuna guru keur dialog jeung para malaikat anu nyampaikeun pesan-pesan lewat gerakan energi positif, anu disebut gelombang elektromagnetik, tapi lamun guru ngajar dikelasna mawa buku, guru geus mawa pesenan. Lain pesenan gusti tapi pesenan anu meunang eta proyek, pesenan menteri pendidikan, pesenan anu can tangtu nulisna pinuh ku kaikhlasan. Boa-boa nulisna diseponsoran ku PT anu. Nu nepi ukur pelajaran tapi teu nepi pembelajaran. Cul dogdog tinggal igeul nu lain di enya-enya, nu enya di lain-lain, oray mah diparaehan, oorayaian diinguan. Salah anu nyebut keun elmu rujukan. Buku hanya panduan, rujukan itu Allah. Rek elmu matematika rujukanna Allah, rek elmu fisika rujukanna Allah, rek elmu kimia rujukanna Allah. Di sakola euweh pelajaran agama. euweuh pelajaran umum. Elmu fisika teh elmu agama, elmu matematika teh agama, biologi teh agama, kabeh eta elmu agama. Sesungguhnya anda berjihad di hadapan murid anda, anda sedang bertasbih dengan kalimat ucapan matematika yang anda ucapkan. Lamun keukeuh di sakola aya pelajaran umum jeung agama hartina urang geus nyieun kebangkrutan peradaban Islam, sebab peradaban Islam ditandai ku aljabar, geometrik, angka 0 anu disinggungkeun ku Islam pas jaya-jayana. Moal aya hitungan matematika, ayeuna lamun euweuh angka 0. Iyeu anu dimaksud di mana engke guru di mana persiapan ngajar maca, sertifikasi harus diberikan untuk buku. Rek kumaha guru palinter ari bukuna terbatas, bila perlu engke di 2015 bupati nyiapkeun tunjangan pembelian buku bagi para guru. Jadi setiap guru kudu boga perpustakaan pribadi. Nu kadua guru teh kudu sering tafakur, unggal peuting tahajud, unggal poe ningali alam. Rekreasi guru teh teras kukurilingan ka tatar Sunda ayeuna. Tingali tuh gunung di Plered geus beak barotak. Tatangkalan teh geus ditaluaran. Turun hujan, ka hujan teh tuluy hampura, .hampura hujan teu bisa kabeh cicing di dieu sabab anu narima anjeuna teh geus euweuh ditaluaran. Mangga hujan lebet weh ka susukan, susukanana geus sempit, buyar ka walungan pinuh ku runtah, akhirna eta cai nganjang ka Bogor, Bandung, ka Jakarta. Ceuk cai teh hapunten anu kasuhun, ka pa mentri bade ngirin bobo di bumi. Kan ieu teu diajarkeun di sakola. Di urang mah ngala lauk pake obat, pake pukat harimau Nelayan Indonesia sing caletrek weh, mesinana oge laleutik belenyeng weh kadampar Australia. Geus kadampar saminggu ditahan embung balik Ceunah ditahan di ditumah dahareunana alus. Datang kapal Jepang nyokotna loba, kapal China nyokotna loba, kapal Malaysia nyokotna loba. Pan kuduna teh urang ngajak ka budak sakola, hei anak Indonesia para pecinta laut pagi hari ini kita memegang lautan. dengan menggunakan kapal kecil Pan diajarkeun ti baheula teh urang ngajieun kakapalan tinu kertas, teh pendidikan. Engke mah heug sarjana matematika apa sarjana kimia engke nyieun kapal anu gede Nu aya di Indonesia mawa lauk laut jang kamakmuran rakyaL. Eta pendidikan karakter supaya lahir orang hebat anu boga visi jeung boga kakuatan. Nu kadua otentik. Anu boga hak nyieun tulisan ngenaan pelajaran guru anu ngajar di kelasna kade, sabab guru nu paling apal naon karakter murid jeung karakter lingkunganana. Bupati ayeuna arek nyieun sayembara nulis mata pelajaran berbasis kearifan Purwakarta. Kabeh mata pelajaran ku aing dilombakeun, engke guru anu pang alus-alusna nulis bisa boga hak nyieun buku sorangan. Ayeuna teh mingkin pinter hiji jelema mingkin pinter ngomongkeun jelema lain ceunah. Ari kira-kira jadi sarjana saukur ceunah mah nya geus weh urang nyieun universitas atau fakultas sugan, jurusan duka teuing. Coba engke mah karya ilmiah teh ulah menurut batur tapi menurut kajian dan analisa yang dimiliki sebenarnya. Jadi hasil skripsi teh ulah panjang panjang, cukup cingcangkeling manuk cingkleung cineteun. Engke mah nyieun skripsi cukup sabait weh teu kudu loba loba, sabait tapi kudu bisa dipertanggung jawabkeun jeung bisa diwujudkeun, saciduh metu saucap nyata. Cukup apa ini skripsinya, apa maksudnya, dijelaskeun jeung dipertanggungjawabkeun. Skripsi anu ngan sabait eta teh bisa ngalahirkeun karya tulis anu loba. Urang mah kan dibalik, karya ilmiah sarebu halaman tapi lamun disimpulkeun ngan sakalimat. Jadi jelema nu hebat mah nyieun kalimat teh hiji tapi ditafsirkeun ku jelema teu anggeus-anggeus. Tah tingali Al-Quran, tuh tingali hadist, tafsirna loba. Ari urang mah lain ari karya tulisna sarebu halaman disimpulkeun di peret di keclakeun teh hiji, , hiji oge kudu di peureut deui. Nu katilu lamun guru ngajarna nyeunyeukeul buku, eta guru kehilangan kesempatan untuk menatap masa depan muridnya. Guru teu bisa ningali tatapan wajah budakna. Bari siapkeun toiletna, sabab ke harga per kelas jang SD 9 taun teh 160 juta tanpa bangku, bangkuna kudu milarian deui. Jadi aya toiletna, aya wastafelna, aya tempat wudhu terus aya toren ka luhurna. kelas na kudu beradab. Harga kelas di Indonesia 80 juta, Purwakarta dua kali lipat, istimewa. Terus anu kaduana mere kesempatan, memberikan kasempatan pada muridnya untuk menatap wajah gurunya. Kuring apal tepi ka ayeuna guru ngaranna Bu Oneh keur SD baheula. Nu kadua guru matematika, teuing guru matematika kunaon sok garalak, ngaranna Bu Siti. Guru baheula mah kan tergantung hobi, lamun resep nyanyi tapi ngajar matematika, beres ngajar matematika nyanyi. Di tengah matematika eureun heula, nyanyi. Guru matematika kudu menguasai kesenian. Meh naon? Meh murid narima matematika penuh dengan estetika, henteu tegang. Seni nyentuh rasa, rasa nyentuh sukma, sukma nyentuh Gusti, ngadeketkeun ka Gusti. Ieu estetika. Kuring ceurik, estetika. Lunges anu tadi didongengkeun, estetik. Dangding, estetik. Kalau kehilangan tatapan dan muridnya, kerugian bagi Anda. Anda tidak akan pernah menjadi guru yang dikenang sepanjang sejarah hidup muridnya. Jadi anu ka hiji silih dengetkeun, ngajar langsung muka panto supaya Gusti nurunkeur para malaikat. Kade ulah salah pamahaman, Nabi teh tos teu aya deui berarti malaikatna nganggur. Sok aya pemahaman kitu tah, malaikat bekerja dalam dimensi yang lain. Nu kadua supaya guru boga kasempetan ningali muridna. Nu katilu, guru supaya boga kasempetan ditingali ku muridna. Nu ka opat ieu kabeh lamun dihijikeun disebutna nilai originalitas, suci. Ku kitu na, murid mawa buku hiji. Nu SD mah hiji buku, teu kudu loba-loba. Matematika di dinya, IPA di dinya, Bahasa Inggris hijikeun we. Sabab lamun hiji dibacana jadi sering. Meh tepi ka tamat buku teh irit. Hiji we, ke muridna sina nulis. Guru na nyarita, lamun murid daya tangkapna kuat keur guru nyarita cukup didengekeun. Tapi murid daya tangkapna rendah, guru nyarita kudu dicatet. Ayeuna mah sakola ti imah mawa buku di kantong, 17 buku na, buku paket kabeh di bawa, di sakola bruk we di tunda, bawa deui ka imah, dipindahkeun eta buku. Nyieun PR di imah, PR teh mindahkeun anu aya tina eta buku kanu kolom-kolotnna. Mun arek PR penghayatan, jig ujang ke di imah PR na teh nyieun puisi, kitu. Di imah pangnyieunkeun karya ilmiah naon we kumaha jurusan na. Lamun geus kieu ke bergerak, bergerak, bergerak, lahir barudak paripuma. Di tambah puasa Senen Kemis mulai ajarkeun. Kenaikan kelas, kekuatan rasa. Ujang matematikana sabaraha? Ngan opat, tapi budak teh jujur, bageur, taeukkeun. Teu aya masalah, tinimbang matematika 9 tapi eta budak ngan ngagebugan batur, tong dinaekkeun. Sabab naon? Sabab tingali dina Undang-undang Pendidikan, teu aya eta pendidikan intelektual wungkul, kudu jeung emosional kudu jeung spiritual. Ieu kakuatan, sakolana nyieun dewan sekolah. Ieu lulus jeung anu teu naek dibahas. Guru ngariung dina studina pasea perdebatkeun, ke disimpulkeun dinu perdebatan eta ieu layak naek, ieu teu layak naek. Ieu keur usum hujan, murid murid keun bae teu kudu di kelas wae, lumpatkeun kaluar sina mawa pacul, gali taneh pelakkeun tangkal. Terus di sakola ngajarkeun kieu, terus jadi kakuatan energi. Tah engke sakola anu budakna parasea keneh teu menang aya seragam sakola, bebaskeun pake baju tong diseragamkeun. Seragam teh uniform, uniform melahirkan sifat egoisme. Nu disebut loyalitas semu. Budak teu boga dosa digebugan. Kepala sekolahna dosa, bubarkeun. Leungitkeun seragam eta, hilangkan. Anu nyieun seragam anu berhak militer, sabab militer kudu satu komando. Malah ieu aya gagasan kontroversial. Abdi mah hoyong gondrong, sababna abdi mah seniman, pek we sina gondrong meh katingali. Abdi mah keker sabab abdi mah olahragawan, keun sina keker. Matak ge kuring muka kelas seni, kelas olahraga meh masing-masing boga habitat. Berkumpul dalam energi yang sama. Nu hiji tukang matematika, anu hiji ngan gumbrang gembrung. Pisahkeun. Anu ngariung kitu hijikeun sakelas, khusus kutu buku, ngariung sakelas jadi energi. Dengekeun, ari tarasi bau teu? Kira-kira lamun tarasi seungit jiga parfum laku moal? Dengekeun, jengkol bau teu? Peteuy bau teu? Lamun dahar sangu beureum coel jengkol jeung tarasi di tambah peda ngeunah teu? Jengkol, sambel tarasi, cocolkeun kana peda sanguna sangu beureum daharna keur hujan ngaririncik sisi sawah, ngeunah teu? Pendidikan ge kudu kitu.Budak matematikana geus juara olimpiade tapi ngahiji jeung pemusik nya riweuh. Matak ge mulai diarahkan. Profesionalisme, mulai minat dan bakat. Sabab engke mah diperlukeun. Contoh, anu ieu matematika diondang ku perusahaan Jepang nyieun mobil. Kira-kira masarkeun make foto tukang matematika apa model? Jadi ari tukang make rok pendek teh perlu oge. Kabeh aya bagianana, ulah sok diharubiru. Jadi sakola ge kudu nyiapkeu eta sabab mun teu disiapken bakal dicokot batur. Engke anu nyieun mobilna bangsa urang, anu jadi modelna bangsa urang, anu boga pabrikna bangsa urang, engk banian modelingna bangsa urang Sakola kudu ngaiarkeun otentisitas, kasampurnaan lumpatna ka Allah. Jadi tanda menuju Tuhan itu melalui berjuta jalan. Anda yang mengajar matematika mengunakan kekuatan energi maka sesungguhnya anda menuju Tuhan. Anda ngajar biologi berarti anda menuju Tuhan, belajar apapun menuju Tuhan. Tukang tembok nyien dapur saestuna nganterken ka Gusti, ditingalikeun rapih lempeng. Makana ku kuring disebut ayeuna tokoh peradaban. Karena tukang tembok teh bapak peradaban, tahun ieu geus aya gaji tukang tembok sesuai standar pemda arek ditaekkeun, bising aya anu sirik pek jadi tukang tembok. Nah ieu anu dimaksad, ieu kakuatan. Jadi suasana ieu teh suasana Islami, hujan ngaririncik, lagu sound sistemna bener, tatangkalan mimiti malekar, ieu teh romantis spiritualis, suasana mistis Islam ieu teh. Ulah tibalik, muludan tendana bocor, sound sistemna kekerebekan, laguna ti baheula nepi ka ayeuna ngan eta wae, rebanana genjringna totos, kecrekna teu disada, anu nyanyi geus karolot. Ari gubrag jabang bayi lahir ka alam dunya, ngabangingik ceurik sabab papisah jeng Gusti nu ngadamelna, luak-lieuk tapi can ningali nanaon. Adzanan sabab adzan teh energi gelombang elektro magnetik. Hirup semet mumuncangan, umur teh ngan semet mumuncangan, lempang muru katangtuan, lempang muru ka Gusti, ngudag lampah saamparan. Nu ditincak ku urang eta teh kudu jadi tatapakan hirup. Lemah mernahkeun amarah, lamun urang keur ambeuk terus lumpat. Matak ge Bupati ayeuna keur ngieunan trotoar kudu pake batu sekeut. Jadi lamun keur ambeuk buka sapatuna terus lempang kana eta batu anu sekeut, pasti ereun ngambeukna Lemah mernahkeun amarah. Ka dituna lamun tina elmu pendidikan, lamun budak gede ambeuk, gali taneh kubur satengah, heg papagahan. Lamun ngalawan keneh lelepkeun. Jadi lamun budak bangor kudu diruwat ku indung bapana, dibalikkeun ka asalna, dijaga jeung diriksa, dipulangken ka lemahna. DISAMPAIKAN DALAM PERINGATAN MAULID NABI MUHAMMAD SAW. OLEH KELUARGA BESAR PGRI KAB.PURWAKARTA PADA 13 JANUARI 2014 #inspirasikangdedi